سمعت قبل كده عن رياضة الرجبي؟ ممكن تكون جديدة على كتير مننا. تعالى نتعرف عليها شوية، مين عارف يمكن في المستقبل شعبيتها تكبر ونستناها زي ما بنستنى كرة القدم.

الرجبى هي رياضة جماعية بتعتمد على الجري، التمرير، والتهديف بكورة شكلها بيضاوية وبيميزها التلاحم الجسدي والسرعة والقوة، وتقدر تقول انها بتجمع بين السلة وكرة القدم.
ومنتشرة جددًا في العالم، بالذات في الدول التي كانت تحت الاستعمار البريطاني، زي نيوزيلندا، أستراليا، جنوب أفريقيا، وطبعُا المملكة المتحدة. والبطولات ومباريات كأس العالم للرجبي بتشد ملايين المتفرجين.

الرجبى
الرجبى

تاريخ الرجبى

أبتدت لعبة الرجبي كرياضة مدرسية في القرن الـ 19 في إنجلترا. تقريبًا سنة 1823 لما طالب اسمه “ويليام ويب إليس” في مدرسة الرجبي قرر يمسك الكورة بإيديه في مباراة كرة قدم.
اتطورت الرجبي بعد كدة وبقى ليها قواعد وأساليب لعب مختلفة. والاتحاد الدولي للرجبي (IRB) أتأسس سنة 1886، وساعد في تنظيم اللعبة وانتشارها. ظهرت كمان بطولات دولية زي بطولة الأمم الستة، اللي ساعدت في زيادة شعبية اللعبة.

أنواع لعبة الرجبي

لعبة الرجبي ليها 3 أنواع رئيسية، بتختلف في عدد اللاعيبة وشوية من القواعد:
  • الرجبي التقليدي (Union): أكتر نوع منتشر والفريق فيه بيتكون من 15 لاعب. بيركزعلى التلاحم الجسدي والخطط المُحكمة.
  • الرجبي الدوري (League): عدد اللاعيبة 13 وبيتميز بالسرعة واللعب المستمر من غير وقفات طويلة.
  • سباعيات الرجبي: الفريق فيه من 7 لاعيبه بس، وبقت سباعيات الرجبي رياضة أولمبية سنة 2016. والمهم في النوع ده بالإيقاع السريع والمباريات القصيرة.

قواعد لعبة الرجبي

بيجتمع اللاعيبة على ملعب مستطيل متقسم لمنطقتين، طوله 144 متر وعرضه 69 متر، وبيفصل بين المرميين 100 متر. عرض المرمى الواحد 5.6 متر وارتفاع العارضة 3 متر. وورا كل مرمى منطقة اسمها “منطقة الهدف” مساحتها 22 متر.
وبتستمر مباراة الرجبي العادية 80 دقيقة على الأقل، أما مباراة سباعيات الرجبي فبتبقى شوطين مدة كل واحد 7 دقايق واستراحة دقيقة واحدة بين الشوطين.
الهدف؟ تسجيل النقط عن طريق ان الكورة تتحط في منطقة الخصم (تراي) أو ركلها خلال العارضة (هدف).
  • المعدات: غير كرة الرجبي بشكلها البيضاوي (من المطاط ومتغطية بالجلد) بيلبس اللاعيبة خوذات ولبس معمول من السيليكون عشان يحموا راسهم وجسمهم من الإصابات اللي ممكن تحصل من الاشتباكات القوية.
  • تمرير الكورة: تمرير الكرة بيكون لورا بس، وممكن تتمسك أو تتركل في أي اتجاه.
  • التسجيل: بيتحسب 5 نقط في (التراي)، واحتمال تضاف نقطتين لما تتحول بعد التراي، و3 نقط لضربة جزاء.
  • الالتحام: الالتحام الجسدي مسموح بيه بين اللاعيبة عشان ياخدوا الكورة، لكن قواعد السلامة لازم تتراعى عشان ميحصلش إصابات.
  • المخالفات: عقاب المخالفات ضربات حرة أو ركلات جزاء، أو حتى بطرد اللاعب من الملعب.
  • الحكام: طقم الحكام بيتكون من حكم الساحة وعدد من المساعدين عشان يضمنوا تطبيق القواعد.

    الرجبى
    الرجبى

بطولات الرجبي

كأس العالم للرجبي
كأس العالم للرجبي هو أكبر حدث في الرياضة دي وبيتعمل كل 4 سنين. أول بطولة كانت سنة 1987 وفازت بيها نيوزيلندا اللي خدت اللقب 3 مرات في تاريخها في (1987، 2011، 2015). كمان جنوب أفريقيا خدت اللقب 3 مرات في (1995، 2007، 2019).
البطولات مهمة في لعبة الرجبي
  • بطولة الأمم الستة: بين فرق إنجلترا، فرنسا، إيرلندا، إيطاليا، اسكتلندا، وويلز.
  • بطولة راينبيك: بين فرق نصف الكرة الأرضية الجنوبي زي نيوزيلندا، أستراليا، جنوب أفريقيا، والأرجنتين.
  • البطولات القارية: بتبقى على مستوى كل قارة.

الفرق واللاعيبة المشهورين

الفرق الوطنية
  • أول بلاكس (نيوزيلندا): معروفين بسيطرتهم على اللعبة وعرض رقصة “الهاكا” اللي تعتبر جزء من التراث قبل المباريات.
  • سبرينغبوكس (جنوب أفريقيا): حققوا ألقاب عالمية كتير.
  • والابيز (أستراليا): من بين أفضل الفرق في العالم.
أبرز الأندية العالمية
  • نادي تولوز (فرنسا): حقق ألقاب أوروبية.
  • نادي ليستر تايجرز (إنجلترا): من أقوى الأندية الإنجليزية.
  • نادي كروسيدر (نيوزيلندا): فريق كبير في دوري السوبر رجبي.
اللاعيبة الكبار في تاريخ الرجبي
  • جوناه لومو (نيوزيلندا): يُعتبر من أعظم اللاعيبة على مر العصور.
  • مارتن جونسون (إنجلترا): قائد فريق إنجلترا الفايز بكأس العالم 2003.
  • برايان أودريسكول (أيرلندا): واحد من أكبر اللاعيبة في تاريخ الرجبي.

الرجبي في مصر

من بين الدول العربية التي بتشارك في بطولات الرجبي المغرب، تونس، ولبنان، وكمان مصر. وتقدر تلعب الرجبي في الأندية دي:
  • نادي الرجبي بالإسكندرية: في منطقة سموحة، وهو واحد من الأندية الرائدة في مصر اللي بتقدم تدريب ومرافق على مستوى عالي للعب الرجبي.
  • نادي القاهرة للرجبي: معروف باسم “كايورز RFC” وبيقدم برامج تدريبية للمبتدئين والمحترفين. ويعتبر واحد من أكتر النوادي نشاطً في مصر.
  • نادي الجونة للرجبي: بيجمع بين لعب الرجبي والأجواء الساحلية.
اتحاد الرجبي المصري بيجتهد عشان ينشر اللعبة ويِطورها في كل حتة بمصر. وبيعمل بطولات في كتير من المحافظات المصرية. ومنتخب الرجبي المصري بيشارك في البطولات العربية والإفريقية وبيحقق نتايج كبيرة.
المقال ده للمعلومات بس. الرياضة بتتغير بسرعة، فالأحسن إنك تتأكد من متخصصين قبل ما تاخد أي قرار.